تبلیغات
انایوردم خطبه سرا - شیخ صفی الدین اردبیلی کیمدیر؟ (دکتر حسین محمدزاده صدیق)
 
یاتما تولکی دالداسندا گوی یسون اصلان سنی، كچمه نامرد كورپیسینن گوی آپارسون سیل سنی

شیخ صفی الدین اردبیلی کیمدیر؟ (دکتر حسین محمدزاده صدیق)

نوشته شده توسط : قارانقوش
چهارشنبه 9 فروردین 1396-06:23 ب.ظ

شیخ صفی الدین اردبیلی كیمدیر؟

سلطان شیخ صفی الدین، ابوالفتح اسحاق بن امین الدین جبرائیل كلخورانی اردبیلی، اردبیل شهری‌نین یاخینلیغیندا یئرلشن كلخوران كندینده، هیجری یئددینجی عصرین ایكینجی یاریسیندا، بعضی آراشدیرمالارا گؤره 650 – نجی ایلده، دونیایا گلمیش و 735 هـ . ق. (1334 .م) ده اردبیلده وفات ائتمیشدیر.

صفی الدین، اوشاقلیغیندا دینی تربیت گؤرموش، وقارلی و متین و مقیّد بؤیوموشدور. معتبر قایناقلاردا اونون بئشینجی جدّی فیروز شاه قیزیل باش آدلانیر. فیروز شاهین اوغلو عوض، عوضین اوغلو محمد و محمدین اوغلو صلاح الدین، و اونون اوغلو امین الدین جبرائیل، صفی الدینین جدّلری ایدیلر.

شیخ امین الدین جبرائیل، قوجا كمال الدین عربشاه اردبیلی‌نین مریدی ایدی و زمانه‌سی‌نین تقوالی عالیملریندن اولان اردبیلین یاخینلیغیندا باری كندینده یاشایان جمال الدین باروقی نین عصمتلی قیزی دؤلت خاتون ایله ائولنمیشدیر. صفی الدین اسحاق، بو عصمتلی و تقوایا معروف اولان آنانین بئشینجی اوشاغی ایدی. بو تقوالی خانیم،‌صفی الدیندن سونرا، ایكی اوغلان‌دا دونیایا گتیرمیشدیر. امین الدین جبرائیلدن آلتی اوغلان و بیر قیز دوغموشدور. اونلارین اوغلانلاری‌نین آدلاری بئله ایمیش: محمد، رشید الدین، اسماعیل، صفی الدین، یعقوب و فخرالدین.

امین الدین جبرائیل دونیادان كؤچنده،‌ صفی‌الدین آلتی یاشیندا ایدی. آناسی اونو، باشقا اوشاقلاری كیمی درین احساسلی و تقوالی و دینی خصلتلره صاحیب بؤیودور. آناسی دؤلت خاتون ساوادلی تورك خانیمی ایدی و شعر یازاردی. او، فارسجا و عربجه ‌ده بیلرمیش. صفی الدین توركجه‌میزی و عربجه‌نی ئوز آناسی یانیندا اوخوموش و یئنی یئتمه ایكن قرآنی حفظ ائتمیشدیر، قرآن تفسیرینی ئوز آناسیندان ئویره‌نن صفی الدین، گنج ایكن آناسی‌نین توصیه‌سی و اذنی ایله شیرازا گئدیر كه شیخ نجیب الدین بوزگوش شیرازی یانیندا درسه دوام ائتسین. او شیرازا یئتیشنده، شیخ نجیب الدین وفات ائتمیشدی. شیرازدا بیر چوخ درویشلر و عالیملر ایله گؤروشور. اورادا، شیخ سعدی ایله‌ده معاشرت ائتمیش و لاكین سعدی‌دن اینجیمیش و اونون تقدیم ائتدیگی دیوانی‌دا قبول ائتمه‌میشدی![1]

شیرازدا شیخ نجیب الدین اوغلو ظهیرالدین بوزگوش اونا دئدی كه:«سنی زاهد گیلانی راضی سالا بیلر.»

صفی الدین اسحاق دؤرد ایل اردبیلدن اوزاق قالدیقدان سونرا، شیخ زاهد گیلانی‌نین یانینا گئتدی. او زامان شیخ زاهد آلتمیش یاشیندا ایدی. شیخ صفی ایگیرمی ایكی ایل اونون یانیندا قالدی. گیلك دیلینی‌ده اورادا ئویره‌ندی و اونون قیزی بی‌بی فاطمه ایله ائولندی و اونا فاطمه خاتون لقبی وئردی.

شیخ زاهد ئولدوكدن سونرا، شیخ صفی ئوز شهری اردبیله قاییتدی و عؤمرونون سونونا قده‌ر آنا وطنده یاشادی، چوخلو عالیم و عارف تربیت ائتدیكدن سونرا، او زمانین دانشگاهی اولان، ئوز زاویه‌سینده دفن ائدیلدی.



[1] فارسجا قایناقلاردا یازیلیر:«معاشرت او پسند خاطرش نیفتاد و نسخه‌ی اشعار او را نپذیرفت.» خارجی سیّاحلار، او جمله‌دن «شاردن»ده بو مسئله‌یه اشاره ائتمیشدیر.





نظرات() 


manicure
یکشنبه 20 فروردین 1396 08:11 ق.ظ
I loved as much as you'll receive carried out right here.

The sketch is attractive, your authored material stylish.

nonetheless, you command get bought an edginess over that
you wish be delivering the following. unwell unquestionably come further formerly again since exactly the same nearly very often inside case
you shield this hike.
manicure
جمعه 18 فروردین 1396 02:33 ب.ظ
Pretty nice post. I just stumbled upon your blog
and wanted to say that I've really enjoyed surfing around your blog posts.
In any case I'll be subscribing to your feed and I hope you write again soon!
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر



درباره وبلاگ:



آرشیو:


آخرین پستها:


پیوندها:


پیوندهای روزانه:


نویسندگان:


آمار وبلاگ:







The Theme Being Used Is MihanBlog Created By ThemeBox